இந்தப் பின்னணியில் கிளர்ச்சிப் படை கட்டுப்பாட்டில் உள்ள அல்-குடாய்டா துறைமுகம், விமான நிலையத்தை குறிவைத்து அதிபரின் படைகள் கடந்த சில நாட்களாக தீவிர தாக்குதல் நடத்தி வருகின்றன. இந்த துறைமுகத்தின் மூலமாகவே 80 சதவீத உணவுப் பொருட்கள், மருந்துகள் இறக்குமதி செய்யப்பட்டு வந்தன. துறைமுகத்தை குறிவைத்து தாக்குதல் நடப்பதால் இறக்குமதி தடைபட்டு ஹவுத்தி பகுதிகளில் கடும் உணவுப் பற்றாக்குறை ஏற்பட்டுள்ளது. ஏமனின் மொத்த மக்கள் தொகையான 2.7 கோடி பேரில் சுமார் 80 லட்சம் பேர் பட்டினியால் பரிதவிப்பதாக ஐ.நா. சபை கவலை தெரிவித்துள்ளது.

அல்-குடாய்டா துறைமுகம் மீதான தாக்குதலை கைவிடுமாறு ஐ.நா. சபை வலியுறுத்தியுள்ளது. ஆனால் இருதரப்பினரும் ஏற்க மறுத்து சண்டையில் ஈடுபட்டு வருகின்றனர். கடந்த 2 நாட்களில் மட்டும் 50 பேர் பலியாகி உள்ளனர். இதேநிலை நீடித்தால் துறைமுகத்தை சுற்றி வசிக்கும் சுமார் 25 ஆயிரம் பேர் பலியாகக்கூடும் என்று தன்னார்வ தொண்டு அமைப்புகள் தெரிவித்துள்ளன. அல்-குடாய்டா மட்டுமன்றி வேறு பகுதிகளிலும் சண்டை நடைபெறுகிறது. அந்த பகுதிகளைச் சேர்ந்த ஆயிரக்கணக்கான மக்கள் பாதுகாப்பான இடங்களைத் தேடி இடம்பெயர்ந்து செல்கின்றனர்.