ரஷ்ய ஓபன் பாட்மிண்டன்: சவுரவ் வர்மா சாம்பியன்

இதில் சிறப்பாக விளையாடிய சவுரவ் வர்மா 19-21 21-12 21-17 என்ற செட் கணக்கில் கோகி வத்தனாபேவை வீழ்த்தி பட்டத்தைக் கைப்பற்றினார். முதல் செட்டை இழந்தபோதிலும் அடுத்த 2 செட்களிலும் சுதாரித்து விளையாடி சவுரவ் வர்மா வெற்றி கண்டார். இந்த சீசனில் அவர் பெறும் முதல் பட்டம் இது என்பது குறிப்பிடத்தக்கது.

2016-ல் சவுரவ் வர்மா அகில இந்திய சீனியர் ரேங்கிங் பாட்மிண்டன் போட்டியில் தங்கமும், சீன தைபே கிராண்ட்ப்ரீ போட்டியில் தங்கமும், பிட்பர்கர் ஓபன் போட்டியில் வெள்ளியும் வென்றிருந்தார்.

ரஷ்ய ஓபன் பாட்மிண்டன் கலப்பு இரட்டையர் இறுதிச் சுற்றில் இந்தியாவின் ரோஹன் கபூர்-குஹு கார்க் ஜோடியும், ரஷ்யாவின் விளாடிமிர் இவனோவ் – கொரியாவின் மின் குயுங் கிம் ஜோடியும் மோதின.

இதில் இந்திய ஜோடி 19-21, 17-21 என்ற கணக்கில் ரஷ்ய ஜோடியிடம் வீழ்ந்து வெள்ளிப் பதக்கத்தை வென்றது. – பிடிஐ